Villreinområde som fekk namnet Ottadalen Villreinområde, er eit fjellområde som har villrein som det har blitt jakta på og fangst av i uminnelege tider. Det har også i periodar vore drive tamreinsdrift, med meir eller mindre hell. Ein stor del av befolkninga som budde i fjellbygdene rundt dette område, hadde nok villreinen som eit av grunnlaga for å skaffe mat til seg og sine. Går ein tilbake ca.100 år, var det på den tida mange som budde på husmannsplassar, og det var svært ofte namn på slike husmenn som går igjen med historier om jegerbragdar og gode jakthistorier. Frå ca. 1930 og utover forsvann i hovudsak villreinen i dette område, i første rekkje skuldast det ei utstrakt tamreinsdrift, det siste tamreinslaget A/L Trio tamreinslag vart avvikla, og siste nedslaktinga var i 1964. Etter det klarte ein å organisere grunneigarinteressene slik at ein i heile område fekk eit samanhengande villreinområde. Den enkeltperson som la ned mest arbeid i dette problematiske arbeidet, var Øystein Mølmen frå Lesja.